صباح الخير
صباح الشمس بتشقشق
وتطرح رزق للشقيان
لكل الي فتح كفو ببركة ربنا المنان
صباح الخير يا عم أحمد
صباح العشرة ع الكبشة
وع القدرة وعايز بالجنيه دا فول
صباح الخير على العامل صحي بدري وراح شغلوا صباح تاني على المسئول
على تلميذ وشايل شنطته بايده
على الأوتوبيس وركابه ومواعيده
على تاجر صحي بدري في دكانه
علي مسافر وقاطع بدري تذكرته
على أسطى نقش بالصنعه عنوانه
على جندي بيخدم جوه جيش بلده
صباح الخير على كل الي سامعني وكل الي قرى شعري وصبحني
تعليقات
إرسال تعليق