اللي قالقني
اللى قالقنى
عـــارف أنا إيـــه اللي قالقني ؟
ماعدتش فى حــاجة بتقلقني !
تعــارضني النــاس أو توافقني
مبقتش أزعل أو اخاف على حد
وماعـدش هــزار يفـرِق عن جـد
الدنيــــا تقــــــوم تقعــد تتهــــد
ما باحسش بضميري خانقني
و اهـو ده بالذات اللي قالقني !
جـــايز كُتر الأوجـــاع خَلِتْ
مشاعري عن العند اتخَلِتْ
والرغبة ف أي جــديد قَلِتْ
أبعـد واكره أو احِنْ سِـيان
وبقيت باستتمتع بالنسيان
والوعي بـيشبه لـ الهذيان
وكفرت بحلمي اللي فالقني !
و اهو ده بالذات اللي قالقني !
تعليقات
إرسال تعليق