هبوط في الدورة الدموية
هبوط في الدوره الدموية
طول عمري عايشها وحيد
وصيفي زي الشتويه
حياه الناس بالمقاس
وانا كنت عايشها عفويه
اسأل عن كل الناس
وبطبطب ع الزعلان وهنا بواسي
مش فارقه كتير ماهم اهلي وناسي
حسيس خليت نفسي رخيص
وحياتي صبحت ارجوحه لكل النسانيس
فاكريني عبيط
انا بس بحاول استعبط عشان اعرف اعيش
ومواقف بتقوللي ابعد وانا بتبارد
الناس تضحك حواليه وانا على طول شارد
زي المريخ لما يخالف ويروح لعطارد
ساءت مني النفسيه
وحياتي عايشها بطعم غريب
مالوش لون ولا ريحه
زي الميه شي شفاف مش متشاف
ولا ليه عبره ولا مقام
و مقضيها عتاب وملام
ده جارح وده مش مهتم
وده ناسي وده عمره ما يسأل
وده مستنيك تسأل
وانت اللي بتسأل طوالي
حزين أو فرحان وتشكي اللامك لكل جماد بيلمس كفك الشقيان
عن حكايه اول بنت حبيتها وخانتني
فاكر كنت بتشكي لمين
لسور جنينه وورد كنت بتقطفه ليها
وينزف وانت سبب في نزيفه
يقولك جاي تشكي لي
ونزيفي كان عشان خاطره
فاكر لما كنت وحيد في ليله الفرح يحييها
من هنا لقيت لي شريك بحكي له
لحد ما مل من المك
شكيت للورق والشاهد قلمك
والقراء صعبان عليهم ويسألوك حكايه مين
تقول انت
حكايه حد كان صاحبي
وبتداري عليهم ألمك ووجيعتك
وناس زهقت من الأحزان
هو انت مافيش ضحك في حكايتك
كله عتاب وملام وفراق وحزن
بطلت احكي لحد وصاحبت ورقه وقلم
و تليفوني ومخدتي وسريري
كبايه الشاي وهي شاهده على كتابتي
صاحبت الطريق
اشتكيت للمانيكان في محلات الملابس
لقيتها بتعيط من حكايتي
الحزن صاحبي والدموع انهار
والليل بقى زي النهار
واللون الأسود ودقني الطويله ستار
بتداري دموعى كتير على خدي
ومستنى لحظه الاغماء
ودكتور بيقول فقدناه
نتيجه مأساويه
نتيجه هبوط في الدوره الدموية
تعليقات
إرسال تعليق