انا عادى
أنا عادي
منيش ندمان ولا زعلان
ولا مس الألم صدري
لا انا هأبكي وأسيب عيني تسح دموع
وأنام موجوع وألعن كل ذكراكم
واقطع صورى وياكم و أدوس شعري
ولا دقني هتطول يومها وأسيبها
وأدخل بينا احبابنا
يلومهم عشان روحهم تأنبهم
وأبان مظلوم بأفعالهم ..
أنا دُغري
يجوز بالفعل حبيتكم
وأهلي اللي ف حياتي
يجوز كان بينا كام ذكرى
وعاشت جوه حكاياتي
يجوز شعري الي كان ليكم
مكنش لحد قبليكم
يجوز كان كل يوم بينا
زكريات تتحب
يجوز بردو اني أنساكم
وأمسح كل ذكراكم
وادوس UPDATE
لكل الجاي في حياتي
وأنا عادي
منيش بارد
لكن قلبي دا بإديا ومهوش شارد
أنا حبيتقلوبكم يوم وقلوبكم باعت
ما خالق قلوبكم البياع
تعليقات
إرسال تعليق