ساعه ونس
بتقولي حبيبتى في ساعه ونس
اخبارك ايه بقالنا كتير ما اتكلمناش
قلتلها انا جامد جدا من جوه
ردت كده قالت عاش
دخلت تتسحب جوايا من غير ما تخبط علي ابواب
معاها تصريح بدخول مفتوح
ولقت شقوق جوايا بتلمسها لاقتها جروح
ونزيف سايل
وقالتلي كداب يا حبيبى
جواك اهو قدامى مفتوح
ولاقيت جواك حاجات ياما
سحبت كرسى قعدت جوايا
وبتدور بتخيط كل جراحى بأيديها
وتقول اهو كداب
ادى جرح اهو لفراق احباب
وده جرح كبير لفراق مريم
شيفاك فى الحلم بتلعب وياها بفانوس
وتحاول بتنور جواك
وبتلعب وياها طب خدنى معاك
انا حتي هاغنى رمضان جانا هيصوا ياعيال
صحت عيل جوايا جبنا الفوانيس
ولعبنا ونور جوايا
كشفت عن كل جروحى فى ضوء الفوانيس
وجروحى يادوب مع صوت الفجر
كانت ضمت بدعاء وصلاه ودموع ونحيب
وانا بشكى لاغلي حبيب رب العالمين
ضحكت لما جوايا نور
ضمتنى بعد صلاه الفجر قلت انا صايم
ضحكت قالت اتنيل
دى ضمه ام يادوب قلبها بيهدى
علي ابن حزين
تعليقات
إرسال تعليق