قلب البنت
عايز تُملك قلب البنت
إقرا نصايحي و قولّي فهمت
لما تحس إنها تعبانه
و لما تخبي إنها عيانه
ماتسيبهاش و تروح القهوه
خلي مشاعرك مفيهاش شهوه
عايز وقت الضيقه صديق
وقت الشده خليك شايل
عايز أم تربي عيالك؟
وقت المحنه تشوفك راجل
زنّها سببُه خوفها عليك
خلي عنيها تشوف بعنيك
تلقى حبيبه و تلقى عشيقه
تلقى راحتها ما بين رجليك
قلب البنت ده زي الورده
فإوعى تخلي مشاعرك بارده
إديها حب و إديها طيبه
إطلب منها عنك ترضى
هاتلها مره هديه معاك
هات شيكولاته و هات بلالين
إوعى تسيبها تنام زعلانه
و قولها دايما رايح فين
إعمل مره شغل البيت
و إوعى تحس كلامها عبيط
آدي نصايح راجل زيك
قولي حفظتها ولا نسيت؟
تعليقات
إرسال تعليق