سيجاره كيف
ليله طويله
من اول ما دورت وانا قلت مش مرتاح
كان الطريق هادي وانا سارح في همومي سواح
اتسلل شريط احزاني وعملي فيلم قصير
الفيلم كان بيتسرسب
وانا قاعد بشرب اول سيجاره
وأول طريق الفشل
من كتر اوجاعى
وفرحى في وقت احزانى
وكل اللي وقف جنبى
وكل اللى معاه ونسينى
كفايه خلاص خنقتينى
رميتها من الشباك
و افتكرت ايامي معاك
يوم نضحك ويوم نبكي من شوقنا
وليه زمانا فرقنا
وليه الانانيه في حياتنا
وأهل مش اهلي ونصف اخوات
وكل اللي عدى علينا وكل اللي مات
افتكرت زمان وانا صغير وحنيت له
وحبيت ارجع كطفل من تاني
ياريت يا حزن تنساني
وف وسط احزاني
لقيتها قدامي
راميه سنين عمرها اللي فاتت
بكل أحلامها وكل الالام
وفرحها ووجعها
وابوها وامها وناسها
واللي حبها وسابها
واللي عاوزها ومش قادر
تقول الاه تخلعني
بحس بأني سبب الالم
انا اسف
انتي اللي رميتي سنينك قدامي
وانا اللي مش شايف
انتي بخير ما بترديش
انا خايف
ودعتي حلمك ليه
انا مش قاتل
سيدي القاضي
هما اللي ظلموني
اللي ناسيني واللي بايعني
واللي خان وانا انسان
ماضيه فيه حاجات تتحب
وحاجات عاوزه النسيان
وهي رمت عمرها قدامي
اشمعنى انا اخترتي تموتي على ايده
انا مظلوم
انا اللي سنينه استرسبت قدامه
وفجأه لقيتك بتحضني الموت
وسبتيني مابين سجان
وقاضي ونيابه
انا مظلوم سيدي القاضي
فكن رحيم برجل كل خطأه في الحياه هي الطيابه
تعليقات
إرسال تعليق