حبيبه
حبيبه
ايوه فعلا حبيبه
بنت ضحكتها بميت طريقه
مره تلعب مره بتكسر حاجات
مره بتنزل هدومنا من فوق شماعات
بنت ضحكتها بتحيي الامنيات
مره بتزعق بكل اللغات
لانت عارف عاوزه ايه
ولاهى تعرف السكات
ربنا يبارك فى عمرك
وف ملامحك ويا لعبك
مره بتلغبط خضار
خلت عقلى منى طار
بتبص من تحت البيبان
على اللى مخفى واللى بان
بصراحه بنت شاطره
بتلمع السيراميك بلفه
وانها تزعل وتغضب دى مجازفه
حاجه زى البسكويته
ليها أفعال عبيطه
عامله روحها ست بيت
مصدعانى بدق توم
ضحكه بتزيل الهموم
ربنا يبارك يدوم
ضحكتك وتلخبطى كل الهدوم
تعليقات
إرسال تعليق