شرخ في كوب زجاج
حد يفضل لو هربت
, حد عارف اني بضعف
, واني بتعب لو ضعفت
, واني بكره اكون ضعيف !!!
وانى ولا مره خفت
وانى بكره اكون كفيف
وكرهت اكتر لما شفت
واني نفسى اكون خفيف
ولما خفيت ضعفت
حد يفضل لو هربت
حد عارف اني بقوى
لما ايده تمس كفي
وانى لما بكون معاه الدنيا تكفي
وانى كل الضعف فيا يحول لقوه
واني بضعف من دموعه
حد يسأل عنى لو مت
حد يدور لو هربت
حد يقوينى لو ضعفت
كله عارف كله يكسر
كله يجرح
كله يقتل المشاعر لما تكبر
حد فاكر لما كنت
كله ناسي لما هنت
حد يفضل لما يتقفل عليا جوه قبر
مافيش مفر
حد عارف انى بضعف
زى كوب زجاج في شرخ
وانى مش محتاج لشرح
انا محتاج لضم
محتاج ارمى هم
حد فاضى يسمع مني
ولا كل جراحى الم
تعليقات
إرسال تعليق