يحلى السهر
ما تفرحوش
لما جم قالولكم انا وحبيبتى زعلانين ماتفرحوش
زعلنا مش بيطول يومين
بعد الغضب تهدأ قلوبنا في ثانيتين
نرجع كما الاول فرحانين
من زمان كان وعدنا
في حاجات ملغيه من القاموس
اولها لو ضاقت ظروفنا ما بنزعلش علي الفلوس
يكفينا لقمه عيش من غير غموس
نضحك ونلعب وننسي الم النفوس
ويبلغوها اني بقابل بنات
واعرف عليها الف واحده
تهدا هيه وتقولهم واحده واحده
ان شاء الله الف
اهم حاجه اخر اليوم بيروح لمين
يا غالبانين ده روحي هو
والنفس هو القلب اللي بيدق
وقت التعب
هو همسه في وسط موجه غضب
وانا مبسوط واخدني الفرح
وتقول
حبيبى مالوش في الفلتانين
وتوصف قد ايه اخلاصي ليها
وحضن مليان شوق ولهفه يطول ساعات
وان كان بيه حبه وجع بتدوب في حضن مليان بالحنان
حبيبى فيه حبه جنان
يعني في نص الليل يقول
يلا ننزل ايه حصل
مافى شئ
طالبه همسه ونتمشي ع الكورنيش
كوزين ذره وحمص مشطشط
هي دي كل الامانى
اه بقي لو ام كلثوم اغانى
يبقي نسهر نناجي القمر
ياخدنا الكلام يا خدنا السهر
لحد ما يطلع علينا النهار
وتنور الشمس فينكسف منها القمر
النور وضح بين قد ايه ان مهما الضلمه نورناها
يغلبها النهار
ونقضيها واحنا راجعين هزار
عشان راح النوم ووقت الشغل حضر
فتقوللي اسفه راحوا ساعتينك
اقول ساعتيني ما راحوا هدر
يكفينى شفت كسوف القمر
وهو شايفك احلي من الشمس واحلي من القمر
ايه السهر ده حتي مفيد
وبدأنا بعده يوم جديد
ماليان امل
بادئ بشمس بيتكسف منها القمر
تعليقات
إرسال تعليق