توت توت
من وحي صديقى
توت توت توت توت
قطر بيقتل من غير صوت
توت توت توت توت
كله يبكي من غير صوت
على كلمه قالها صديق
مع كل طلعه شمس
صوت إسعاف بتفوت
وسع طريق 🛣 ياجدع
معانا وطن بيموت
عاوزك يا مصر تنوحي
بس من غير صوت
بقى كل يوم بيفوت
بستنى فيكي الموت
الموت في عباره
أو موت بسيارة
واخترتي اخر يوم
اني اموت محروق
كل الوطن مسروق
اكلي وعلاجي والسكن مسروق
امتى يا وطن هاتفوق
هو العيب ف القطر
ولا في اللي بيسوق
بلدنا صبحت سوق
ارخص مافيه الدم
اللقمه صبحت سم
عماله تنزل غصب
عليكوا غضب الرب
وكل لعناته
بلدنا صبحت قبر
ومافي منه مفر
نوحي من غير صووووت
وسع طريق يا جدع معانا وطن بيموت
#ياسرالدميني
تعليقات
إرسال تعليق