الحكايا دى
الحكايادى أنا بحكيها لكل ولادى
أول ما اتجوزت الست الوالده
كنت معاها هادى وراضى
كانت عينى عليها بارده
مش عارف إيه غيرها للدرجادى
كانت قاسمه معايا اللقمه
ونغمسها ب صحن زبادى
حتى لما لحافنا يقصر
كانت ماشيه وكله يهون
وكنا بنضحك قوى ونهزر
وكأننا مالكين الكون
فجأه ياعم الحال اتغير
لما ظهر عيل مجنون
قام يخايلها ياعم الريس
ماهو حسسها بأنه نيرون
قال بصي لى ياست كويس
أنا بإيديا اهد الكون
جوزك عجز عضمه مسوس
سيبك منه وأكون ممنون
أنا علشانك أبيع الدنيا
وعشان برضوا أكون مطمن
اعتبريه م الآن مسجون
قولوا م الآخر زاغت عينها
باعت العشره الله يعينها
ومشيت ورا استاذنا الغول
كات عشمانه تنسى الفول
وتجرب في العمر اللحمه
اتاريها يابنى دخلت زحمه
وشك ضهرك كله يزق
والمخلايق عل بعض تشق
حتى القلب الطيب راخر
أصبح بس لسان ف البق
وكات فكرانى هموت من غيرها
بس حقيقى كتر خيرها
لسه عليا ساعات بترق
وأنا ما انكرش إننا مانستش
ازاى بس راح أنسى العشره
مع إنها فضلت مقهوره
حتى معايا كات شاربه المش
أيوه صراحه دى كلمه حق
تعليقات
إرسال تعليق