الابتسامة
هية هية الابتسامة
لكن....
عيونها تختلف
وابقى دور على العلامة
عين تترسم جواها ضحكة
وعين مرسوم فيها الندامة
عين بتسكت... لكن ف ثانية
تعرف تخبي وشايلة ياما
عين تشوف بيها الحقيقة
وعين يبان فيها الخيانة
عين تضحى وعين تصحى
ضمير معدش عليه ملامة
عين تشوفها تقول دى فاهمة
بس خايفة من المهانة
وعين بتضحك بس دقق
جوة فيها....دموع بتطلع
حتلاقيها بتبكى ياااما
مش بقولك...
قبل ما اقول مع السلامة
استنى شوووف الابتسامة
هية هية...
لكن متنساش .. تبقى تقرا
العيون اللى سكاتها
مخبي ياااااما
تعليقات
إرسال تعليق