كسر المشاعر
ايوه اشتكيتك للسما ورفعت دعوى ف محكمه
وطلبت آخد حقى منك وكتبت ده فى المظلمه
حبسوه سرق مش قادر. وبيكسر الابواب
أما كسر المشاعر مالهوش ما بيننا حساب
قلب و بقلوب بيتاجر يقتل ومالوش عتاب
جيتلك يا قاضى وقلبى راضى بحكم تنطق بيه
ما يقولش ماضى مايقولش عادى ما يقولش مذنب ليه
لسه فاكره كل كلمه وحرف بيننا
كل ضحكه وكل دمعه من عيوننا
هانت عليه عشرتى هانت عليه وحدتى
هو مكمل حياته وانا انتهت دنيتى
كنت بشوف الخيانه وبكدّب فيه عينيا
علشان احفظ هوانا وايديه تبقى فى ايديا
ضيع حياه بإيديه احكم يا قاضى عليه
احكم يرجّع عمرى ما هو ضاع فى كدب عينيه
بطلب قانون يعوض العمر اللى راح
ولا ميت قانون يداوى فى القلب الجراح
احكم يا قاضى احكم بقا احكم عليه بسنين شقا
احكم بكل ليله فى حبه سهرتّها
احلام كانت جميله وياما حلمتها
احكم بكل كدبه معاه صدقتها
كانت سبب فى اللى انكتب وعمرى وياها انتهى
.............احكم بقا احكم بقا.................
تعليقات
إرسال تعليق