بحبِك..
بحبِك حب ماله حدود
وحبِك يملا قلبي ورود
لو قريبة مني
لو بعيدة عني
ولو مديتي يوم كفِك
هأقدملِك عيوني شهود
يا سحراني أنا ليكي
وجوايا ضيا عنيكي
يا اسراني بحسن الوجه والمنظر
وخطفاني بطيب القلب والمخبر
أنا ملكِك
في بحر الهوى أنا فُلْكِك
ومجدافِك
أنا دايب في أوصافك
أنا سرك
وأنا حارسك وسيّافك
ولما تقولي عايزاني
في بالك قد إيه عايزك
يا كل الدنيا .. يا واخداني
لحضنك ولدفا قلبك
خديني كمان وأنا راضي
وضميني لصدرك الهادى
تعالي لحضني
وارمي حمولك على كتفي
تعالي وشوفي ما بيا
من حنان ضمتي وكفي
كلام الدنيا دي بحاله
لا بيعبر ولا يكفّي
تعالي نكبر حبنا بينا
تعالي نملا بالهوى سنينا
وندخل بالحياة جنة
جنة لا عاشها ناس
ولا عرفها حد قبلينا
بالاحساس يدفينا
وبالإحساس نجيب
الفَرْح بإدينا
ونرمي الحزن برانا
بعزم ما فينا
تعليقات
إرسال تعليق