اسفة
اسفه على حبي اللى كان
اسفه لو قلبى انجرح
باسم الغرام
اسفه وياريت اقدر ارسم
لشفايفى تانى الابتسام
لما كنت بستناك بشوق
وسط الزحاااام
لما كانت عينى يملاها القلق
وممنوع تنااااام
كنت بستناك ساعات
بالليالى عشان تحن
وتبعت جواب او سلام
او حتى فيه لمحة غرام
وادادي فيك
واعتذر.... واقول حرام
لا مش حنام الا اما اصالحه
لو حتى فيه سِنة خصام
واجدل ضفايرى واوريهملك
تقولى ايه شغل العياال
اسفة جدااا...
ليك ولية ..
بس اسفي ده لقلبي ولعيونى
ولحناني اللى ف طبعي
مش تصنع ويَّااا حبة شِعر فية
وزيف وكذب
وضحكة صفرا زى دية
اسفة...
على حبة حاجاات
اسفة على عمري اللى فات
ويَّااا حبة ذكريات
وانى لما بفتكرهم
للاسف بحزن ساعات
اسفة ..
لو يوم شلت همك
كنت بسرق نظرة منك
لو صحيح حبي جاري
جوة دمك
كنت شفت مني
حنان وحب...
زى حضن امى وامك
اسفة ...
على احساسي بيك
ولهفتى لنظرة عينيك
ولما كنت أحلم بلحظة
ان ايدي تلمس ايديك
فاكر..
فاكر لما حلمت بيك
ساعتها..
اول مافوقت جريت عليك
اقولك استنى امااقول الحلم
قبل ماانسى ..حلمت بيييك
كانت لهفة جوة مني
كنت صادقة ...
وعايزة اروح واطير عليك
عايزة اشوف لهفة ف عينيك
لكن ساعتها للاسف.
شفت شوقى بينطفى
مع انه كان لسة
بينادي عليك
وايدى سقعت بعدها
وكات لسة دافية بين ايديك
وبدل اما قلبي يبتسم
لقيته فجأه بيبكي عليك
ولقيته بكل جرأة بيطوي صفحتك
ويقولي... آسف
مش هو ده اللى غرقته بحناني
وحب فيك
وبدل اما اقرا حروف الشوق
محتارة ف عينك
لقيت قلبي بينسحب
ويقولي آسف..
والفاتحه يقراها عليك
تعليقات
إرسال تعليق