شد الجواب
شد الجواب من ايدى
وكأنى انا المرسال
قال لى هات ياسيدى
د غيابه والله طال
عاشق بدمى ووريدى
وحالتى والله حال
اخر عشقى ووعيدى
الغربة والترحال
شد الجواب من ايدى
والدمع من عينى سال
صعب على حاله
قولت اسأله سؤال
الحب كان عادي
ولا كلام عشق وموال
قالى الحب اللى كان بنا
لا يتوصف ولا ينقال
هو كان الفرض والسنه
وانا كنت الحلال
هو كان احلى ماف الدنيا
وانا كنت الحب والجمال
هوكان بستان فى جنة
وانا كنت الزهر والامال
اطلب كل ما اتمنى
تيجى بسرعة وف الحال
مشتاق اشوفه ولو ثانيه
وارجع روحى ياخال
مالقيش عندك دوا
للى حبيبه عاشق الترحال
ولا حاجة تنسينى الهوا
وتريح قلبى اللى مال
شد الجواب من ايدى
وكأنى انا المرسال
قال لى هات يا سيدى
د غيابه والله طال
تعليقات
إرسال تعليق