غصب عني
غصب عني حاجات كتير
غصب عني اسرح وأغير
غصب عني أكون في بير
لا له اول ولا هو الأخير
غصب عني أكتم وأخبي
كل فرحة جوا قلبي
غصب عني بس ألبي
وأما أنادي ما أشوفش جنبي
إلا نفسي والتمني
فغصب عني
غصب عني
احس نفسي
غصب عني أحب نفسي
غصب عني ياريت تحس
باللي بيا واللي روحي بتعانيه
مش بإيدي ولا بمزاجي
غصب عني باحس بيه
كل ده فيا ومنّي
غصب عني
كل حاجة غصب عني
الحبيب اللي فتني
كل شوقي والتمني
حتى قهري والتجني
حتى بُعد نفسي عني
كل ده واكتر كمان
كله جاني غصب عني
غصب عني
غصب عني مشيت طريق
لا انا قادر على رجوعي
ولا عارف إيه منتهاه
غصب عني بقيت غريق
لا قادر على طلوعي
ولا شايف طوق نجاه
غصب عني أختار رفيق
لا أنا ف طوعه ولا ف طوعي
ولا قادر ولا عارف أكون وياه
ومهما ضحكنا يعلا
بيطلع ضحكنا (آآآآآآه)
يا دنيا كفاية بقى وحِني
كفاية بقى (غصب عني)
تعليقات
إرسال تعليق