قصيدة حسة (زينة )
حسة من جوايا بنزف
حسة اني مش انا
حسة اني ف حلم بصرخ
لسة فيه جوايا صرخة
لسة جوة عايزة تخرج
حسة اني مش هنا
والا لسة فية باقي مني انا..
بفتكر ايام صبايا
لما بضحك ضحكة عالية
ضحكة تسمعها السما
وافتكراجمل شبابي
لما ضاع ادام عيوني
وعدى مني....من هنااااا
ايوة عدى من هنا...
لا ياساعتى ليه بتمشي
ليه بتجري لسة بدرى
لسة كام دقيقه واصحى
عايزة افوق من الحلم دا
ده كابوس والا رؤية
والا قولوا لوقتي عدي
قولوا للزمان يهدي
هو باين وقتي عداا
حد يفهمنى حياتى
باينة والا بتستخبى
ماشية والا ااا
وقفة تبكى علية انا...
لااا وحسة انى لسة
انى بكرة تانى جي
وان انا مبقتش زي
زي ستى...
بصوا كدة ..هوة انا !!!
هوة انا جلدى مكرمش
والا فيه تجاعيد ف وشي
و الا فيه بياض ف شعرى
او حواجبي والا رمشي
والا اكون مش شايفة نفسي
فاكرة انا...
فاكرة لما كنت بمشي
ف الجنينة
والبنات من حوالينا
كنت بسمع همسهم
ان الجميلة جت هناا
ياريت تطل او تمسي
علية انا..
ايوة فاكرة من هنا
من ساعه مكنا قاعدين
على سطحنا وف وسطنا
أمي و ستي
ولما جت ف القعدة سيرتي
قالوا حلوة... علية انا
رحت شهقة
قلت يبقى قاصدنى انا !!!
ايوة انا....
انا لسة بسمع..لسة عايشة .
لسة بتنفس وشايفة
شايفة بكرة جاي تانى
جاي ومليان بالامانى
ياااااا.. ممكن اشوفها؟
واعيشها من تانى ا؟!!!
و احسها راحة لبالى
ومش هيصعب علية حالي
بس بصوا ...
اللى انا عارفاه وواثقة منه
ان ربنا حيراضينى
وان هوة كمان عاطيكم
زى ماهو عاطيني
ال 24 بتوعكم
بتوع كل حد فيكم
زى ماعطينى انا
عشان كدة لازم نصفي
قلوبنا دايما ليه نوفي
وانا كمان لازم اعيش
وارضي واقنع من مفيش
لكن اكيد ...!!!!
انى هلاقى ..حد تانى
حد يفرحنى ثوانى
والحد ده هيكون اكيد
نفسى أنا
نفسي انا.
تعليقات
إرسال تعليق