سامح بقلم جمعه عبد الجواد
سامح
،،،،،،،،،،،
سامح وكون متسامح
سامح وكون انسان
واكظم حبيبى الغيظ
ليه بالشّر تبقي ملان
واعفو عن النّاس
تلاقى الرحمة م الرحمن
ليه تكره الناس
وتبات كئيب حيران
ليه تملى بالحقد قلبك
م يبقى بالإيمان عمران
سامح الناس وسامح
نفسك انت كمان
ولا تجلد الذات ..ارحمها
واعطيها رضا وحنان
سامح وخد قدوتك
نبينا المصطفى العدنان
فى فتح مكة وفى الطائف
وعفوه عن أبو سفيان
سامح تفوز بالحور
وتفوز بأعلى الجنان
سامح وخللى صنيعك
فى كل شيئ إحسان
جمعة عبدالجواد
٢٠١٧/٨/١١
تعليقات
إرسال تعليق