سبع سنين انتظار بقلم ياسر الدمينى
سبع سنين انتظار
انا بنسحب بهدوء بدل جحيم النار
واكون انسان بدل ما ابقى دمار
كأنى صبحت نخل ومالها ثمار
من قلبى بدعيلك
ومن ذنبى ابريتك
وانا اللى صاحب ذنب
سبع سنين انتظار
مابين حرقه ونار
والله مش زعلان
حتى شوفى مافيش دموع
ومسكت نفسى غصب
وبكيت بعيد منها
ما هى أصلها زينه
وبنت ناس اصلا
لو كنت بين ايديها بكيت
ماكنتش هاتوافق
عيشى حياتك هنا
يمكن يكرمك ربنا
وتبقى شجرة عنب
وتطرحى عناقيد
انا اصلى شجره سنت
أصلها من الصمت
وبكايا مش مسموع
وهاتفضلى ضحكتى حتى وانتى بعيد
بالله ماتبكيش
خلينى اعرف اعيش
انا حاولت لكن ربنا ما ارادش
انتى جميله وشقيه
خلينا متفقين ان حياتنا هزمتنا
كافحنا فيها كتير
وماليا فيها نصيب
وابقى افتكرينى
وقولى والله كان بيحب
وعمره ما باعنى
صعب عليه وجعنى
ودموعى جرحتها السنين
وبكايا وقت رحيل
كان بعدها بيعود
دلوقتى قولى ان ده نصيب
ولقانا شئ موعود
والحب شجر موجود
يطرح موده وقرب
تعليقات
إرسال تعليق