فرحان بقلم جمعه عبد الجواد
فرحان
،،،،،،،،،،،
لا أُخفى سر يا جدعان
إنّى بقيت فرحان فرحان
ورقم واحد أنا فرحان
علشان أدركنا رمضان
شهر الرحمة والغفران
شهر العتق من النيران
وقرّبنا على نُصُّه كمان
يوم فى يومين هيكون خالصان
نيجى بقه للفرحة التّانية
فرحة الفطر ياجدعان
هفطر بالطعمية حبيبتي
ومعاها طُرشى وبدنجان
والغدا أشكالٌ ألوان
مش ممكن هقعد جوعان
والدورق جنبى مليان
باى باى بقا كلمة عطشان
وانام نوم كدا مِلئ جفونى
وأصحى على صوت الأذان
واعطف بقا على كل فقير
ولا اسيبُه يقاسى الحرمان
فيه فرحة كمان مستنّيها
يوم م هقابل ،،،،،،الرحمن
ويقوللى صُمت وانا جزيتك
وادخل من باب الريان
الله دى الفرحة كدا تلاته
أنا فرحان فرحان فرحان
جمعة عبدالجواد
٢٠١٧/٦/٨
تعليقات
إرسال تعليق