الحقيقة بقلم رفعت ابوالعلا
........ الحقيقة ......... ( عامية )
..............
الحقيقة ....
ضايعه في الزحام ...
مابين ....
امتى ، وازاي ، وكام
الحقيقة ...
لابسه توب ابيض وصافي ...
م بيشوفه ....
الا مش لاقي ياكل ،
وحافي ....
الحقيقة ....
طاقة نور خفية ....
بعيده عن كل ...
المطبلاتية ...
وعن كل ظالم طاغي ...
وعن كل تافه ...
هفيه ،
وعن كل مرتشي باع ...
القضية ..
الحقيقة ....
شاهد ....
باقي على مر الزمان
لا يقدر يخفيها ظالم ،
ولا يقدر يطمسها ...
جبان ...
الحقيقة .....
صولجان ...
وتاج على اللي باع روحه ..
كإنسان ..
فدا ظهورها ، كالشمس
تهدي ...
كل حيران
الحقيقة ......
بريئة من كل الحناجر ...
اللي بتحلف ف بق فاجر ..
واللي بتاجر ف صنف خاسر ...
واللي بتلون ف حظ عاثر ..
الحقيقة .....
سراب لكل اللي خاب ...
واللي عمره دعاه لربه ...
م استجاب ...
واللي كلمه بس منه ...
فيها خراب ...
الحقيقه ...
لا بد تظهر ...
لو بعد حين ،،
زي تبيان اليقين ،
وزي طيبة المؤمنين ..،
وزي ورع العابدين ...،
وزي شمس الزاهدين ... ،
وحتمحي ....
ظلام المزيفين .... ،
وتهدم صرح الظالمين ...
وساعتها بس ...
حيفوقوا .....
المغيبين ...
والغافلين ...
والمزيفين ...
امام شمس ....
الحق المبين . ...
الحقيقة .....
(مفتاح كل ضيقه)
الحقيقة ...
(ف جسد الظالم ... حريقه)
الحقيقة ...
ل ابو قلب صافي ...
صديقه ...
وصوتها عالي ,
ودايما جريئه
هيه دي الحقيقة ....
اللي دايما ......
من كل الزحمه دي ...
(( بريئة ))....
..........
الشاعر رفعت ابوالعلا
تعليقات
إرسال تعليق