وصيه عاشق بقلم محمد العليمي
وصية عاشق....
بقلم الشاعر/محمد العليمى
هقوليك قصيدة تفتح عيونيك عالصباح
زى الورود ما بتحضن هواكى لما بيطلع شمسيك عليها يا احلى نور
كتبت فيكى من الغزل سطور
قد حبات الرمال..قد قطرات المطر
قد دعوات البشر لرب الوجود
لكن لقيت
.انى عمرى ماقدر اوصف احساسى بيكى بمجرد كلام
ساكن معاكى وجواكى
يكفينى حضنيك وهواكى
الكون ده كله فى عنيكى
وملامحى غارت من ايدى
لما شربت من نهرك
غازلت حرير تحت خماريك
لمست وداعبت.. كفك.. غارت
من الميه اللى نزلت على شفة
كان نفسها تقطف قطفة
رب الوجود عالم بيا
ان كان ده حب مش انانية
ولا شهوة ساكنة فى عروقى
ده انا قلبى مليان حنية
انتى حاسة
وبالزواج اكيد مش هنسى
وفكرينى
لو فى يوم قلت مشاعرى
ذكريني
انى عاشق
بس اوعاكى فى يوم تزعلى منى تقوم تروحى و تسيبينى
..لأنى ساعتها أكيد هتكون الرمال فى حضنها و دودها كلتنى
اذكرينى
فى ليل ساهر على جفونيك
بس اياكى تودعينى
.لأنى سايبليك وصية فى الجنة بكرة هتلاقينى
وربنا شاهد عليا
انى عيشتيك وحبيتيك
يا احلى صبية
يا اجمل هدية وهبهالى العزيز
يا غالية عليا
يا حتة كريز
تعليقات
إرسال تعليق