قصائد قصيرة بقلم السيد ابوطاحون
قصائد قصيره (8) ***السيد أبو طاحون
*********
نام ال كفى و اختفي
يا ام الكلام الشفا
في عز برد الشتا
بيمدني بالدفا
وف عز عز الصيف
نسمه ترد الروح
وتدلع الملهوف
#الشفا
*********
وحشاني عيونك وحشاني
ب تغيبي أكون واحد تاني
وأحس الغربه محاوطاني
وانادي عنيكي... ضميني
#واحدتاني
*********
عامل ايه يا جميل
سايبني لوحدي ليه
هم الطريق طويل
لازم تساعدني فيه
#ساعدني
*********
آآآه
يا عسل حضرموت
لما حبيبي يفوت
وأسكنه نن عيني
واحكيله ع اللي كاويني
واقوله ليه السكوت
وانا بحبك موت ...
#عسل_حضرموت
*********
روحي راحت في المنام
والعسل قالي كلام
قلت إيه يا جبال قويه
قالي شوقها للغرام
#جبال_مغرم
*********
أنا من بحري ياروحي
والهوى طار فوق سطوحي
إمتى ياروحي تبوحى
والعسل يشفي جروحي
#بوح
*********
عيونك بتبعت كلام للكلام
ونبض لغناوى الهوى والهيام
ولما عيون الخلايق تنام
بتحرس عيونك بلاد الغرام
#دلال_العيون
*********
#قصائدقصيره
#الاخنوم
#السيدابوطاحون
تعليقات
إرسال تعليق