التوبه يارب بقلم طارق السيد
التوبه يارب
رب السموات رب الأراضين
حمدا لله رب العالمين
رب العزة ورب القدرة
خلق اليابس زرع الخضرة
جعل الفلك تشق بحور
خلق الأرض فى كون بيدور
خلق الجنة وفيها الحور
خلق الضلمة وراها النور
رزق الدودة فى قلب الأرض
رحم العبد فى يوم العرض
يارب ياخالق عبدك نطفة
تحوله علقة وبعدها مضغة
وبعد مايكمل خلقك ليه
يجري فى أرضك يفسد يطغى
وإن شاف ضر بيلجأ لك
ويتوب ويئوب ويعيش فى رحابك
تصفح عنه لأنك ربه
تقبل توبته وتفتح بابك
ياعبد ياعاصى توب لله
وإشهد إن ما رب سواه
وإشهد إن الرحمة رسوله
وإدعى لربك عفوه تنوله
وفى أى آوان تسمع لأدان
صلى ولبي ندا الديان
وإياك تظلم يوم فى الناس
وإلا هتشرب نفس الكاس
حكمه وقالها جدودنا زمان
وأنا راح أقولها وأعيدها كمان
إللى بيجرى ويإذى الخلق
يلاقى الشوكه فى سقف الحلق
بقلم طارق السيد
تعليقات
إرسال تعليق