في عنيكي بلاقي أمان بقلم مجدى ابو زياده

فى عينيكى بلاقى امان
-*-*-*-*-*-*-*-*-
ياست الحسن
يا زهر فتح ف البستان
يا قمر ليلى يامنور
ياعود ريحان
يا عود ياسمين بيتمايل
دا انا شايل
ف قلبى ليكى
ضحكاية وغنواية
بغنيها الاقيها
ترجعنى لليالى
فات عليها زمان
*-*-*-*-*-*
يا مالكة قلبى
فى هواكى
وواخدة روحى وياكى
فى بعدك والله
فرغ صبرى
وبعدك هان بقيت عمرى
وهانت روحى
على روحى
ومين غيرك يداوى
جروحى
ومن غيرك انا تايه
مليش عنوان
*-*-*-*-*-*
انا فى عنيكى
بلاقى امان
واحس انى ف القرب منك
بكون انسان
بادوس على همومى
واوجاعى
وبافرد ف الهوا قلوعى
وشراعى
واسافر فى بحر الهوى
والامل مركب
يحملنا سوى
لجزيرة
مفيهاش احزان
     مجدى زيادة