انا مش لعبه بقلم ايمان محمد
🌹 أنا مش لعبه 🌹
أنا مش شُخشيخه ف إيدك
ولا لعبه إنت بتلعبها
أنا قلب إتعلم منك
لكرامتي إزاي أحفظها
إتغير ماشي براحتك
خليك عايش كدا وحدك
خليك فاكر يوم إنك
كنت بقلبي بتتسلي🌹
وكلامك كان ليه معني
وسكوتك برضه بمعني
مجنونه إزاي مش فاهمه
إني. مجرد. حدوته
في كتاب حكاويك السهله
صحصح وإسمع للكلمه
أنا ست بمعني الكلمه 🌹
وبكون راجل ف الشده
وأتحمل وقت الزنقه
تعاملني تحس بزهوه
وكأنك شارب قهوه
تسمعني تقول حدوته
وتشوفني تقول بنوته
بضفاير حلوه بتوكه🌹
صوتي ولا أحلي كمنجه
وبحب عصير المانجه
ياحبيبي أنا حبيتك
وحلمت إني أسكن بيتك
لكن ياحياتي بكيفك
وبكيفي أنا راح أقرر
وقراري بعد ما أفكر🌹
وخلاص ياحبيبي فكرت
ومن أفعالك قررت
أن أنا راح أبعد عنك
ومن تاني راح أقولك
أنا مش شخشيخه ف إيدك
ولا لعبه إنت بتلعبها
أنا قلب إتعلم منك🌹
لكرامتي إزاي أحفظها
إتغير ماشي براحتك
وخليك عايش كده وحدك
🌹🌷🌹
تحياتي
ايمان محمد
تعليقات
إرسال تعليق