في عينيك لقيت عنواني بقلم مجدى ابو زياده
في عينيك لقيت عنوانى
......
انا ضاع الكلام منى
واتبعتر
على لسانى
ومش عارف اقولك ايه
وفى عينيك
التوهه واخدانى
هناك لبعيد
وسايبانى
ولا عارف اروح لك فين
وان تايه
بقالى سنين
وفى عنيك لقيت عنوانى
.......
ولقيت نفسى
بتصالح مع نفسى
ولقيت الفرح جوايا
وخيال طيفك
بايت هنا معايا
وانام واصحى
على الفكرة على الذكرى
واقول يا قلبى
ماتخفشى
دى مش ممكن هتنسانى
.......
وانا قلبى
مطاوع وبيسلم
مسكين فى هواكى
يتالم ولا يتكلم
وشاف عينيك
زى نور الصبح
رفع رايته وقام سلم
وقال لى
خلاص انا فى عينيها
لقيت عنوانى
مجدى زيادة.
تعليقات
إرسال تعليق