مين قال بقلم سعيد عنتر
مين قال ..
التلج البارد عمره ماحس
مين قال ان الصبار فيه شوك ومراره وبس
التلج ساعات من صهد القلب يدوب
وساعات بيفرق بين القسمة والمكتوب
التلج علشان ماهو تلج
بيحس الدفا مع كل ربيع
ويحب يضيع فى شعاع الشمس
اللى بيلمحه فى عيون محبوب
التلج بقدر يفرق بين القسمة والمكتوب
والصبار مش بس مرار
ولا شوك متعشق وسط خضار
من غير الشوك ..
إزاي راح نعرف معنى الآه
من غير المر ..
ازاى هنقول على طعم الحلو الله
تتصور قلب بينبض جوه جدار
تتصور شوك بينبت فيه ازهار
دا الصبار مين زيه
بيفضل اخضر بأستمرار
#سعيد_عنتر_حجاج
#شاعر_الفيس
تعليقات
إرسال تعليق