وجيعه غدر بقلم السيد خطاب

وجيعة غدر
ولما بابص بعيونك
باشوف الدنيا فواحه
ولوهاتدارى فى جفونك
يبان الحب ..بصراحه
ولو هاتغطى برموشك
هلاقى الدفء والراحه
ولما  تبعدى عنى
ما يبقالى فى يوم ساحه
....
ما نش دارى يا ناس بكره
مخبى فى الجراب قديه
وصاحب عمرى ما دَّانى
ولا حتى فى يوم جانى
وبيِّن لى حق عليه
انا الغلطان مأمنتش
وما شوفتش
زراق ناب فيه
....
انا اللى الدنيا سقيانى
بآه يانى وغدر عنيه
وكاساتى ما فيش منها
وآهاتى ماليش غيرها
فى غلب داريه
....
انا اللى الحب نادانى
وورانى طريقى ليه
وشوقى لما يوصله
ما بيقابله ولا يقولهُّ
ولا يواسى فى يوم ضِلُّه
ولا يحابى فى مره عليه
...
زمانى آه وآه منه
رمانى فى حضن أوجاعه
وسكِّن فيىَّ آلامه
وخد قلبى وقام باعه
وعيّشنى فِى نار قايده
وَجيعتى غدره وخداعه
...
يا ورد الشوق فين ريحتك
بعطر الود ... فين ودك
ونبض القلب ... شريانه
معباش كره من يمك
لكنك قاسى لا يهمك
حبيب آمن ولا إنك
تشوفنى يوم أكون منك
...
ببيع الورد فى الساحه
وفى الواحه ما فيش غيرك
وتلمح عينى ما تلقى سِوى طيفك
يهل هلاله وينور عتم ليلِك
على علم الهوى بظلمك
كمان القسوه ما سابت
فى يوم قلبك ... ماهو طبعك
تحب وتقسى موش فارقه
خلاص هابعد ولا استنى
جروح تانيه تكون منك
كفايه الغدر فيه سِمَّك
عسايا ألقى يوم تانى
حبيب الأمن فيه عنك
يواسينى ... ينسينى
ولا اتذكر كمان اسمك