الشعراء العرب

المانجة قالت للعنب .. إتلم يا مفرط😂 مركون ومالك سعر .. علي أيه بتتشرط😏 زعل العنب منها .. راح مشتكي للموز😘 وقاله ينفع كده؟ .. أو حتي يعني يجوز؟ إكمنها زبدية؟ .. تعمل كده فيا؟ ده أنا كنت في العنقود .. جميل وليا العجب بس الزمن دار بيا .. ودا شئ عليا إنكتب فأنا حقي لو مجانيش .. ها أقلبها قله أدب وأفضحها ف الأسواق .. عديمة الأخلاق ده الكل منها داق .. والرك ع النيه مضروبة ف الخلاط .. مشروبه بالشفاط مفيناش صوات وعياط .. وسدي يا عنيا مش عامله فيها كيوت ..مش ماشيه لية مظبوط عوجه ببوز مخبوط .. ده أنا نجم أغنية أحمر وأصفر فيه .. وأخضر كمان تلاقيه ماتشوفي غيري بقى .. وأرمي بلاكي عليه ده المحشي من ورقي .. والخمرة من مرقي وانتي اما تتفلقي .. تتحطي في زكيبة ده أنا بيتي تكعبية .. وعزوتي رهيبة ورصتي عجيبة .. وليا حبيبة مش يعني متمرمط المانجة قالت للعنب: سامحني يا مفرط😓 https://www.facebook.com/100003738976272/posts/1682200341914582/

أتوب إزاي وانا محني وانا بالكاد يادوب عايش تهمتيني ان انا مجني وانا المضروب ب 100قايش لنا عربيد ولا صايع وعمري ماكنت يوم بايع بحبك وانتي كرهاني في شدت عوزتي سيباني لكن مهمن عملتي صبور وروحي ان عوزتي مش حايش بقربلك تروحي بعييد وفايتاني تملي وحيد وبرسم ضحكه علي وشي وكأني سعيد بتنسيني وانا فاكرك وعمري ماكنت يوم ناكرك ساعات بتجودي وانا شاكرك أتوب إزاي وانا عاشقك وعشقي يبان غرام طايش     _______________ بقلمي ////أحمد عمر

شافو الدنيا بنظرة عجيبة شافو الخلق بنفس الطيبة وانا عن نفسي و وجهة نظري ! المفروض مش حاجه غريبة بيحكو عليه و كأنه مريض ومتزعلش ده اصله عبيط ؟ وكتير قاله دي حلات خاصة نفس الشكل ونفس الضحكة شوف ملامحهم فعلا" وحدة ! حتى كمان شوف شكل النظرة  لاء أسمحلي كمان معلش مابيعرفش  ايه يعني يغش ماغيرش كلامه فى ضهرك ومايبدلش فى مليون وش بقى معقول ..  حد يطول يكمل طفل حياتة على طول لو زعلان على وشه يبان لما بيضحك كده فرحان ومايعرفش يلون ضحكة صفره وبيضة وألالوان هو حقيقي فى نظري ملاك ولسه الناس فكراه أنسان

كان بيغيب ... بس فاكر كان عاشق ... بس عصبى ساكت مابيتكلمش ‘‘ يبانلك .. مابيتألمش ‘‘ الدنيا معانده معاه ... براه غير جواه ... لكنه .. مابيستسلمش ‘‘ غيور جداا ع أحبابه يضحك عادى .. يبان هادى ...

هي الأيام لمّا بتخلص بتروح على فين ؟ .. مقصُدش نموت أنا أقصد لمّا اليوم يعني بيخْلَصْ و يفوت و تعدِّي وراه أيام تانيين .. و أما الأسبوع بيعَدّي أوام و يقَفِّل سِت ايام بالطول مع يوم بالعرض بيروح على فين و يسيب الأرض ؟ طب فين المخزن و التخزين ؟ .. معقوله تكون أيامنا هناك مرصوصة فـ حبة كراتين ؟ .. مليانة بـ إمبارِح و بـ أوِّل و بـ أول أول و أنا راجع لمّا أوصل سِن السَنَتين ؟ .. طب هقدر أطَلّع م المخزن إحساسي بنفسي و بالناس و خناقي إمبارح في الزحمة و أصالِح سواق الباص ؟ هل ممكن أزوِّد إخلاص لعلاقتي بكُل إللي أعرفهُم لسنين و سنين ؟ هل ممكن أدَوّر على فترة ضاعت من سن العشرين ؟ هل ينفع أسجّل رغباتي و أختار أما أكبر و أستكبر أنا هطلع مين ؟ هل يمكن لو .... أو هل جايز ... بل لا يُمكن .. إننا نعرف إزاي الأيام دي بتنقَص و أما بتخلص بتروح على فين !

عيش حياتك يعني اتعلم من اللي فاتك بس ماتسيهوش يسيطر عليك يعني عيش اللحظه دايما وهي بين ايديك خلي دايما للتفائل طاقه بتطل مابين عينيك عيش حياتك يعني ماتسكنش في سكاتك خليه كل يوم يعدي بتضحك ع اللي فاتك مش بتحزن حتي تخسر لحظتك ويا اللي فاتك الحياه بنعيشها مره تبقي حلوه تبقي مره يوم وعدي افتكر الحلو منه والحزن بيعه قبل منه يعني كل يوم بتصحي اتولد من جديد خلي كل يوم بيشرق كأنه عيد